ავტორი: მარი გულორდავა

ცნობილი წყვილი თეონა თავართქილაძე და რეზი არ­ველაძე 16 წლის წინ შეუღლდ­ნენ, იმ პერიოდში ორივე სხვა­დასხვა ქალაქში ცხოვრობდა და დიდი ხნის განმავლობაში, დაქორწინებული წყვილი, შე­ყვარებულებივით იყვნენ. მათ ორი ვაჟი ჰყავთ, 14 წლის ნი­კა, რომელიც უცხოეთში სწავლობს და 12 წლის ვატო, რო­მელიც მშობლებთან ერთად თბილისში ცხოვრობს.

„პრაი­ მტაიმი“ დედა- შვილს ოჯახ­ურ ამბებზე ესაუბრა. ვატომ თავისი სამომავლო გეგმები გაგვაცნო და თან გაგვანდო, რომ შეყვარებულია.

-თეონა, შენ და რეზიმ რო­გორ გაიცანით ერთმანეთი?

-ძალიან ჩვეულებრივად, არც ის მახსოვს როდის გავიცანი და არც ის, თუ რა მეცვა. რაც თავი მახსოვს ერთმანეთს ვიცნობთ.

-როგორ შეგიყვარდათ?

-კაი რა, რეებს მალაპარაკებ.

ვატო: -თქვი.

თეონა: -შენ თუ იცი, შენ თქ­ვი.

ვატო: -არ ვიცი თეონა. მიდი მოყევი, შენ გეკითხებიან მე კი არა.

თეონა: -იცით რა, ჩვენი შე­ყვარებულობის პერიოდი ძალი­ან დიდი ხანი გრძელდებოდა, მე სხვა ქალაქში ვსწავლობდი, რეზიც სხვა ქალაქში. დაქორწ­ინების შემდეგაც კი სხვადასხვა ქალაქში წავედით. ბავშვებიც კი სხვა ქალაქშიც გაგვიჩნდ­ნენ… თუმცა ამის გამო მათ ყუ­რადღება არ მოკლებიათ, რადგ­ან სულ სახლში ვიყავი.

-თქვენ როდის დაიწყეთ მუ­შაობა?

-მაშინ, როცა თბილისში ჩა­მოვედით, თან აქ დამხმარეებ­იც მყავდა და ამიტომ ყველაფ­ერი კარგად აეწყო.

-დისკომფორტს არ გიქმნი­დათ ის, რომ მეუღლეს გარკ­ვეული პერიოდი თქვენთვის არ ეცალა?

-იცი რა, გააჩნია როგორი კუთხით შეხედავ, ჩემთვის პი­რიქით სასიამოვნო იყო, როცა სულ მონატრების რეჟიმში ვი­ყავით. ვთვლი, რომ ამაში ცუდი არაფერია, პირიქით, მსგავსი სიტუაციები ხელს უწყობს კა­რგი ურთიერთობა უფრო დიდხ­ანს გაგრძელდეს.

-სიურპრიზი თუ გაუკეთებ­ია რეზის და ისე თუ დაგდგო­მია თავს, რომ არ იცოდი?

-ასეთი შემთხვევა ძალიან ბევრჯერ ყოფილა. როდესაც დრო გამოუჩნდებოდა, დაუგეგ­მავად ჩამოდიოდა, ხშირად მეც ვაკეთებდი ამას.

-ვატო, დედიკო და მამიკო რა სიურპრიზებს გიწყობენ ?

-საჩუქრებს გვჩუქნიან ან სა­დმე მივყავართ.

-სად მიყავხართ?

-რესტორანში.

-ქეიფი გიყვარს?

-უფ, ძალიან.

-ხომ არ თამადობ კიდეც?

-არა. იმიტომ, რომ არ მასწ­ავლიან… მამაჩემი საერთოდ არ სვამს.

-შენ არ გიყვარს დალევა?

-არა, მე ხომ ფეხბურთელი ვარ.

-რას გეუბნება მამა, რო­გორ უნდა გახდე კარგი ფეხბ­ურთელიო?

-გვიან არ უნდა დაიძინო, ბე­ვრი უნდა ივარჯიშო და სულ რეჟიმში იყო.

-შენ იცავ ამ ყველაფერს?

-ხანდახან კი.

-რაზე გიბრაზდებიან დედი­კო და მამიკო?

-როცა მე და ჩემი ძმა ვჩხუ­ბობთ, ან როცა სკოლაში ცუ­დად ვიქცევი და სახლში ბურთ­ით რამეს დავამტვრევ, მაშინ მეჩხუბებიან ხოლმე.

-ბურთით სახლში თამაშობ?

-კი როგორ არა, სულ ბურთ­ით დავრბივარ.

-შენ და შენი ძმა რაზე ჩხუბ­ობთ?

-კომპიუტერთან ვინ დაჯდ­ება და ტელევიზორს ვინ უყურ­ებს, მაგაზე.

თეონა: -ორივეს თავიანთი კომპიუტერი და ტელევიზორი აქვთ, მაგრამ მაინც ჩხუბობენ.

-შენ თუ უბრაზდები მშობ­ლებს?

-მაშინ ვბრაზობ ხოლმე, რო­ცა მე არა ვარ დამნაშავე და მა­ინც მე მიბრაზდებიან.

-როცა ვინმე მოგწონს, დე­დიკოს რჩევას ეკითხები?

-კი ვეკითხები და თეონაც რჩევას მაძლევს ხოლმე.

-შეყვარებული გყავს?

-კი, ჩემი სკოლელი მიყვარს, რომელიც ჩემზე ერთი წლით დიდია.

-ცოლად მოყვანას აპირებ?

-არა, არა… იქამდე თუ კიდევ მეყვარება, მაშინ კი.

-დედას ჩაცმულობაში თუ ერევი?

-არა. არასოდეს მითქვამს, რომ რამე არ უხდება და თუ უხ­დება მაგაზე ვეუბნები. თეონა ყველანაირ სტილში მომწონს.

-შენ თუ გაგიკეთებია თეონ­ასთვის საჩუქარი?

-კი, ვჩუქნი ხოლმე საჩუქრ­ებს.

-შენი დანაზოგით, თუ მამი­კოს ართმევ?

-ჩემი ფული არასდროს არა მაქვს ხოლმე, მამიკოს ვართმევ.

თეონა: -დანაზოგი როგორ არა გაქვს?

ვატო: -სად მაქვს?

თეონა: -ფულს ხომ აგროვებ და დანაზოგი მაგას ჰქვია.

ვატო: -ეგ ყულაბაში მაქვს.

თეონა: – მაგრამ იმით ჯერ არაფერს ყიდულობს.

-რამდენი გაქვს ვატო?

-სამი ათასი ლარი.

-რისთვის აგროვებ ფულს?

-მერე რომ გამოვიყენო.

-ყველაზე მეტ ფულს ვინ გი­გდებს ხოლმე ყულაბაში?

-ბაბუაჩემმა დაბადების დღ­ეზე მაჩუქა ყულაბა და მითხრა, რომ ერთ გოლზე 20 ლარს ჩა­მიგდებდა, მე კი ბავშვებთან მო­ლაპარაკებული ვარ და გოლებს მაშვებინებენ.

თეონა: -უი, ეს პირველად გა­ვიგე.

-ვატო, რეზისავით გინდა ცნობილი ფეხბურთელი გამო­ხვიდე?

-კი, შემტევი ნახევარმცველი გამოვალ.

-სად თამაშობ?

-ბიძაჩემის სკოლაში?

– ბიძა მკაცრია?

-არა, და არც მამა არ არის მკაცრი.

-დედა უფრო მკაცრია თუ მამა?

-დედა უფრო ხშირად მეჩხუბ­ება ხოლმე, მაგრამ თუ მამა გა­ბრაზდა, მაგრად მეჩხუბება.

თეონა: -როცა ერთმანეთში ჩხუბობენ, მაშინ გამოვდივარ ხოლმე წყობიდან.

-თეონა, ოჯახში სამი კაცი გყავს, როგორ უძლებ?

-მართალი გითხრათ რთულ­ია, მაგრამ ვი­ტან… სანამ პა­ტარები იყვნენ, უფრო იოლი იყო. იმის გათვალისწინე­ბით, რომ ნიკა აქ არ სწავ­ლობს, რო­ცა ჩამოდის ვუძლებთ კი არა, დი­დი ამბებით ველოდებით.

– ვატო, რა ჩამოგი­ტანა ნიკამ წასული რომ იყო?

-ყველაზე მაგა­რი „დუხი“ ჩამომიტანა, მაგრამ მერე ისევ წამა­რთვა.

თეონა: -კი არ წა­ გართვა, ისიც ისხა­მდა ხოლმე.

-რომელია ეს ყვ­ელაზე მაგარი სუნა­მო?

-არმანის რაღაცა ჰქვია, ჩემი საყვარელი სუნამოც ეს არის.

-როგორი გოგოები მოგწონს?

– არ ვიცი.

თეონა: -რა არ იცი?

არ იძახი, რომ მსოფლი­ოში ყველაზე ლამაზი ანასტასია არისო. (ან­ასტასია ვატოს მეგობა­რია. ავტ. შენიშვმა)

ვატო: -ეგ ჰო, მაგრამ ანასტა­სია ჩემი დაა.

თეონა: -მართლა ასეა, სულ ვატოა ანასტასიასთან ან ანასტა­სია არის ჩვენთან და სულ ერთად არიან. მე ვერ ვგრძნობ, რომ გო­გო არ მყავს.

-„ვა ბანკში“ რომ მოიგეს რე­ზიმ და თეონამ გაგიხარდა?

-მე მოვაგებინე, ესენი ვაბშე 25 ათასს იღებდნენ და 50 ათას­ ზე მე გავარისკინე.

-მერე, რომ აიღეს მოგცეს ფული?

-კი, ათასი დოლარი მომცა რე­ზიკომ, მაგრამ მგონი მერე ბანკ­ში შეიტანეს ჩემს სახელზე.

-რა მანქანა გინდა გყავდეს?

-ახლა მინდა რომ „ბენტლი“ მყავდეს, მაგრამ როცა მე გავი­ზრდები „ბენტლი“ იმ დროისთვის მოძველებული იქნება.

თეონა: -შენ ფიქრობ რომ მაგ დროისთვის ტექნიკა ისე განვ­ითარდება, რომ მანქანები იფრე­ნენ?

ვატო: -როგორ არა, დღესაც არსებობს სამი მფრინავი მანქანა.

(გაზეთი “პრაიმტაიმი” N26-ის არქივიდან 2009 წ.)