“ლიანა ისაკაძესთან ერთად დაკვრა, ეს არ­ ის პასუხისმგებლობა, სიამაყე, მორი­დება…ისეთი ენერგეტიკა აქვს, რომ მკვდარ­იც რომ იყო, გაგაცოცხლებს”…

ავტორი: თამარ გონგაძე

ბათუმის პირველი სა­ერთაშორისო ფესტივალი „ღამის სერენადები“ ბიჭვ­ინთის ფესტივალის ტრადიციის გაგრძელებაა. მისი დამაარსებელი ქართველი მევიოლინე და დირიჟორი ლიანა ისაკაძეა. ბიჭვინ­თის ზღაპრულ საღამოებ­ზე დღემდე ჰყვებიან სა­ოცრებებს, 80-იან წლებში ბიჭვინთის ფესტივალი ძა­ლიან პოპულარული იყო… ამას მოჰყვა ბორჯომის საერთაშორისო ფესტივ­ალი – „ხელოვნების ზე­იმი“, დღეს უკვე ფესტივ­ალი აჭარაში ტარდება. იდ­ეა ბათუმის მერს, რობერტ ჩხაიძეს და კულტურის სა­მსახურის უფროსს ნათია სურგულაძეს ეკუთვნის. სამი ულამაზესი საღამოს გონიოს ციხის ტერიტორი­აზე გამართვა თავად დიდი მევიოლინის სურვილია. 

მარიამ დავითაშვილი (ლიანა ისაკ­აძის მენეჯერი):

სამი წლის წინ ლიანა ისაკაძის 60 წლის იუბილე თბილისსა და ბათუმში გაიმართა. მაშინ სცენაზე ითქვა, რომ ყველაფერი გაკეთდებოდა იმისთვის, რომ ქალბატონ ლიანას ფე­სტივალი ბათუმში გამართულიყო. დე­კემბერში მან ოფიციალური წერილი მიიღო ბათუმის მერისგან. ქალბატ­ონმა ლიანამ იფიქრა, რა შეიძლებოდა გაკეთებულიყო და გადაწყვიტა, რომ ის არაჩვეულებრივი ტრადიცია, რაც ბიჭვინთაში 80-იან წლებში არსებო­ბდა, აღედგინა. სტუდია „ქართულმა ფილმმა“ არაჩვეულებრივი ფილმი და­ უმზადა და აჩუქა ქალბატონ ლიანას. ფილმი ასე იწყება:

რუკაზე ბიჭვინთი­დან მოდის ხაზი, უერთდება ბორჯომს და მიდის ბათუმისკენ. ეს სამკუთხედი რომ შეიკრას, აუცილებლად საჭიროა ბიჭვინთაში დაბრუნება. ფილმს „ლი­ანა ისაკაძის მუსიკალური სამკუთხე­დი“ დაარქვეს.

პირველ კონცერტზე მენდელსონი და შოსტაკოვიჩი აჟღერდა. სპეციალურად მოწვეულმა პიანისტმა საშა კორს­ანტიამ, მესაყვირემ სერგეი ნაკარიაკ­ოვმა და დირიჟორმა გინტარას რეკევი­ჩუსმა, ნამდვილი დღესასწაული მოაწ­ყვეს. სერენადების ღამის რომანტიული განწყობა რომ შეექმნა, ლიანა ისაკაძემ კონცერტების შემდეგ იმპროვიზებული ნომრები შეასრულა. კლასიკური მუსი­კის შემდეგ პოპულარულმა კომპოზიც­იებმა პუბლიკა ნამდვილად გაახალისა. კონცერტი საქველმოქმედო იყო და შემოსული თანხა საქველმოქმედო ფო­ნდმა – „პირველი ნაბიჯი“ უნარშეზღ­უდულ ბავშვთა სახლებს გადასცა. მისი დამაარსებელი ნინო ქადაგიძე-ჟვანიაა. საქველმოქმედო ფონდი „პირველი ნა­ბიჯი“ ათი წლისაა. 

ნინო ქადაგიძე:

ქალბატონ ლიანას თხოვნით მივმართე, ამ ფესტივალით მხარდაჭერა გამოეთქვა და მადლიე­რი ვარ, რომ დაგვთანხმდა. ის ყურა­დღება მათთვის გაცილებით მეტია, ვიდრე შემოსული თანხა. მზად ვარ პატარა წვლილი შევიტანო მათ დახმ­არებაში. მეორე საფესტივალო კონცერტზე მოცარტი ნიკა მემანიშვილმა და სერგ­ეი ნაკარიაკოვმა შეასრულეს.

„მუსიკამ ნიკა და სერგეი ისე დაამეგობრა, რომ მთელი ღამე საუბარში გაატარეს და დილის 8 საათზე დაშორდნენ ერთმ­ანეთს. სერგეი მეორე დღეს მიდიოდა, დანიაში კონცერტი უნდა ჰქონოდა და ოცნებობდა, ნეტა ჩემმა იმპრესარიომ ბილეთი არ გამომიგზავნოს და აქ და­ვრჩე რამდენიმე დღეო. ბევრ ჩემ რუს მეგობარს თეთრი შურით შურთ ჩემი, აქ რომ ვარო.“

ნიკა მემანიშვილი:

ტრაფარეტული სიტყვები შეიძლება ვიხმარო – ლიანა ისაკაძესთან ერთად დაკვრა, ეს არ­ ის პასუხისმგებლობა, სიამაყე, მორი­დება… წარმოუდგენელია, სიტყვებით გადმოსცე ის, რასაც გრძნობ ასეთი რანგის ადამიანთან ურთიერთობისას. ისეთი ენერგეტიკა აქვს, რომ მკვდარ­იც რომ იყო, გაგაცოცხლებს. მით უმ­ეტეს, თუ ცოცხალი ხარ, დიდ ძალას შეგმატებს. ბავშვობიდან მახსოვს, 13 წლისა მის საარბრიუკენის გასტროლე­ბზე ვიყავი და დავესწარი კონცერტს. დღემდე წარუშლელი შთაბეჭდილება დატოვა. იმ დროის ფოტოებიც მაქვს. 

გივი სიხარულიძე:

გენიოსი მუსი­კოსია და თავის ერსა და სამშობლო­ზე უზომოდაა შეყვარებული. რასაც აკეთებს, იმას მარილის მოყრაც არ უნდა, მარილმოყრილია. საშა კორს­ანტიას მსგავსი მუსიკოსი, პიანისტი, შეიძლება ითქვას, აღარც გვყავს ქა­რთველებს. დიდებული ადამიანია, გმ­ირია, სითბოთი სავსე კაცია.

„მომავალ წელს ბათუმის – გონიოს არაჩვეულებრივ საღამოებს შეუერთ­დება ბორჯომის რეგიონი და იქნება ბათუმი-ბორჯომის საერთაშორისო ფე­სტივალი – „ღამის სერენადები“.

ძალიან დიდი იმედი გვაქვს ბათუმი-ბორჯომი ბიჭვინთის ფესტივალის, სამი „ბ“-ს სა­მკუთხედის. ქალბატონი ლიანას ფანტ­აზიას საზღვარი არა აქვს და შეიძლება ფესტივალი სადღაც უცხოეთშიც წავი­დეს, არ არის გამორიცხული“, – აცხადე­ბს მარიამ დავითაშვილი.

(გაზეთი “პრაიმტაიმი”N25-ის არქივიდან 2009 წ.)