“თმის სოკოს გადადება სავარცხელთან ერთად სხვადასხვა ნივთებითაც ხდება. პირველ რი­გში საშიშია მაკრატელი, სავარც­ხელი, პირსახოცი და სავარძელი”…

ავტორი: თორნიკე ყაჯრიშივლი

სილამაზის სალონებში და­ცულ ჰიგიენურ ნორმებს სანი­ტარული სამსახური ხშირად უნ­და ამოწმებდეს. მისი გაუქმების შემდეგ კი, სალონებს აღარავინ აკონტროლებს.

რა გართულებ­ები შეიძლება მოჰყვეს ლამაზი ვარცხნილობის გაკეთებას ან თმის შეჭრას? როგორ უნდა ავ­იცილოთ იგი თავიდან? რას უნდა მივაქციოთ ყურადღება სალონში და რა უნდა მოვთხოვოთ პარიკმ­ახერს? ლელა ლომიძე, ექიმი-დერმ­ატოლოგი:

„არსებობს თმის დაავ­ადებები: ზერელე და ღრმა ტრიხ­ოფიტია, რუბროფიტია და მიკო­სპორია, რომლებიც თმის ღერისა და კანის სოკოვანი დაავადებებია. ისინი სტილისტის ინსტრუმენტებ­ით გადადის. ხშირ შემთხვევაში ეს არამარტო პარიკმახერებისთვის, არამედ კლიენტისთვისაც შეუმჩნეველია. ყველაფრის თავი და თავი სალონებია. დაავადებული თმის ერთი ღერიც რომ დარჩეს სავარც­ხელში, თუ მისი სტერილიზაცია არ მოხდება, სოკოვანი დაავადება ყველა იმ ადამიანს გადაედება, რომლებსაც იმავე სავარცხლით დავარცხნიან. დაავადების შანსი 100%-ია.

თმის სოკოს გადადება სავარცხელთან ერთად სხვადასხვა ნივთებითაც ხდება. პირველ რი­გში საშიშია მაკრატელი, სავარც­ხელი, პირსახოცი და სავარძელი. როდესაც დაავადებულ თამას ჭრ­იან, სპორები, რომლებიც თმის ღე­რში ცხოვრობენ მაკრატელზე გა­დადის, ამ მაკრატლით სხვასაც თუ შეჭრიან თმას, მასაც გადაედება. ასევე საშიშია მატერიაც, რომელს­აც თმის შეჭრის დროს უკეთებენ სალონში და პირსახოცი, რითიც თმას ამშრალებენ. დაუშვებელია ერთი პირსახოცით რამდენიმე ად­ამიანისთვის თმის შემშრალება, შემდეგ მზეზე გაშრობა და ხელა­ხლა გამოყენება. პირს­ახოცმა უნდა გაიაროს თერმული დამუშავება, გაირეცხოს 40 გრადუს ტემპერატურაზე(ან მე­ტზე). თუ გააუთოვებენ ესეც კარგი იქნება.

ბე­ვრ სხვა „სიკეთესთან“ ერთად ძალიან დიდია დატილიანების ალბა­თობაც. სტილისტმა თუ შენიშნა ჩირქოვანი არე, ქერცლი და სხვა საეჭვო ანთებითი კე­რა, კლიენტს თმა არ უნდა შეჭრას და დერმატოლოგთან წასვ­ლა უნდა ურჩიოს. რაც შეეხება მაკრატლის და სავარცხლის დე­ზინფექციას, სავალდ­ებულოა მათი ანტისე­პტიკურ ხსნარში და­ მუშავება. მაკრატელი, სავარცხელი და თმის შეჭრისთვის საჭირო სხვა ინსტუმენტები, საპნიან წყალ­ში უნდა გაირეცხოს, ამის შემდეგ გამდინარე წყალში კიდევ ერთხელ კარგად უნდა გაივლოს, კარგად გამშრალდეს და ამის შემდეგ ჩა­იდოს ,,ლიზოფორმის“ 2-3 %-იან ხსნარში.

– თმის დაავადებას კიდევ რო­გორი გამოვლინება აქვს?

– სოკოვანი დაავადების სხვა­დასხვა გამოვლინებები არსებო­ბს. მაგალითად, ძლიერი ქავილი, რასაც მოჰყვება ალოპეცია. ასეთ დროს სოკოვანი სპორები ვითა­რდება და იწვევს თმის ბუდობრივ ცვენას. როდესაც ჩირქოვანი კე­რებია, უკვე სერიოზულ პრობლე­მაა. ეს პროცესი ძალიან ძლიერი ქავილის ფონზე მიდის. ზოგიერ­თი სოკოვანი დაავადების დროს თავის კანი გაწითლებულია. რაც შეეხება თმების შეღებვას, ძალიან ხშირად მომმართავენ პაციენტები სახის შეშუპებით და სხვადასხვა ალერგიული ფონით.

სანამ თმებს შეიღებავთ, აუცილებლად უნდა გაიკეთოთ ხელზე სინჯი. თუ საღე­ბავმა რეაქცია გამოიწვია და კანის ის მონაკვეთი გაწითლდა, ამ საღე­ბავით თმების შეღებვა დაუშვებე­ლია.

– როგორ ავიცილოთ ეს გართ­ულებები?

– სალონში შესვლისთანავე უნ­და მოვიკითხოთ არსებობს თუ არა ან­ტისეპტიკური ხსნარი ან მშრალი დეზინფექციის აპარატი. ხსნარს, რომლითაც ინსტრუმენტების და­მუშავება ხდება, აუცილებლად უნდა ეწეროს დამზადების თარიღი.

სალონი „ბელისიმა სეკრეტი“:

– რამდენი პირსახოცი გაქვთ?

– 40 ცალი.

– ერთი პირსახოცით რამდენ ადამიანს უმშრალებთ თმას?

– ერთ ადამიანს და მერე ირეც­ხება.

– რამდენი მაკრატელი აქვს ერთ სტილისტს?

– „ხელოსნებს“ ორ-ორი მაკრ­ატელი აქვთ. მამაკაცისთვის ცა­ლკე და ქალისთვის ცალკე.

– თუ უკეთებთ დეზინფექციას მაკრატლებს და სავარცხლებს?

– სტერილიზატორი გვაქვს და ვუტარებთ სტერილიზაციას. მშ­რალი სტერილიზაციის აპარატიც გვაქვს.

– ერთი დღის განმავლობაში რამდენჯერ ახდენთ ინსტრუმე­ნტების სტერილიზაციას?

– ყოველ საღამოს ვასტერილ­ებთ.

სილამაზის სალონი „მაგნოლ­ია“:

– რამდენი პირსახოცი გაქვთ?

– ოცამდე გვექნება.

– ერთი პირსახოცით რამდენ ადამიანს უშრობთ თმას?

– ერთ ადამიანს. მერე ვრეცხა­ვთ.

– შეგიძლიათ მაჩვენოთ პირს­ახოცები?

– „ახლა ყველა გასარეცხად აქ­ვთ წაღებული.

– სავარცხელს და მაკრატელს დეზინფექციას უკეთებთ?

– არა. ჯერ არ შეგვიძენია ხსნა­რი და დანადგარი. დაახლოებით ერთი თვეა, რაც გაიხსნა სალონი და…

(გაზეთი “პრაიმტაიმი” N31-ის არქივიდან 2009 წ.)