- ბოლო ორი კონცერტია მაყურებელს ეჩვენება, რომ მაგდა ვასაძეს გაადაეკიდე...

- არ გადავეკიდე. მაყურებელს თუ ეჩვენება, მაშინ მაყურებელი თვითონ რატომ გადაეკიდა და რატომ იყო ბოლო ორი კონცერტი მაგდა ვასაძე აუტსაიდერი?!

- თქვენ შეფასებებს აკეთებთ მანამ, სანამ ხმების რაოდენობა გამოვლინდება... ამიტომაც გაჩნდა ეს კითხვა...

- გინდათ თქვათ, რომ შეიძლება გავლენას ვახდენ მაყურებელზე?

- რა თქმა უნდა, გარკვეულწილად ეს ასეა.

- კი, გეთანხმებით, მაგრამ მე არ გადავეკიდე მაგდას. უბრალოდ ვთქვი შენიშნვნა და დანაკლისი მაგდას შემთხვევაში. მას იმდენად დიდი გამოცდილება აქვს, ბევრად მეტი შეუძლია. 

- მისი რეპერტუარი არ მოგწონდა?

- მომწონდა, უბრალოდ იდეალურია მისთვის და ზედმეტად მარტივი. მაგალითად გეტყვით. მე რომ მივიდე ახლა წამყვანების კონკურსზე და ახალბედა კონკურსანტებთან ერთად „კურიერის“ ტექსტები ვიკითხო. ეს ხომ არ იქნება სამართლიანი... 

- მაგდა ხომ არ არჩევს სიმღერებს...

- მენტორთან ერთად არჩევს. ამიტომ ის შენიშვნები, რომელსაც მე ვეუბნები კონკურსანტს, ირიბად მის მენტორსაც ეკუთვნის.

- გიორგი, ერთადერთი მენტორი ხარ, ვისაც ორი კონკურსანტი დარჩა ფინალში. ვინ არის ამ ეტაპზე ყველაზე ძლიერი კონკურენტი შენი ბავშვების?

- სანდრო, რომელიც უკვე მეორე კონცერტია ესემესლიდერი გახლავთ.