ევროპარლამენტში აზერბაიჯანელი ჟურნალისტის, აფგან მუხთარლის საქმეზე დებატები დაიწყო. დეპუტატები ჟურნალისტის საქმეზე მიღებულ რეზოლუციაზე მსჯელობენ. ვრცელდება ინფორმაცია, რომ ევროკავშირმა შესაძლოა, მკაცრი შენიშვნების ნაცვლად, მოლაპარაკებების გზა აირჩიოს.
"რუსთავი 2"-ის ინფორმაციით, ხვალ ბაქოში ვიზიტით ევროკომისარი, იოჰანეს ჰანი მიემგზავრება. როგორც ცნობილია, მოლაპარაკებების მთავარი თემა აფგან მუხთარლის საქმე იქნება.
დღეს დილას, ევროპარლამენტის ვებ გვერდზე, რეზოლუციის პროექტის საბოლოო, ოფიციალური ტექსტი უკვე გამოქვეყნდა. რეზოლუციის პირველ 4 პუნქტში საქართველოზეა საუბარი, საიდანაც აზერბაიჯანელი ჟურნალისტი გაუჩინარდა.
სტრასბურგში აფგან მუხთარლის მეუღლე, ლეილა მუსტაფაევაც იმყოფება.