მამა გაბრიელის ერთადერთი სულიერი შვილი ბერი ნიკოლოზი (მაქარაშვილი) ირაკლი გამრეკელის ქუჩაზე მდებარე ბინაში ქირით ცხოვრობდა, თუმცა ბინის მფლობელების მოთხოვნის საფუძველზე გაასახლეს და საცხვორებელ სახლში აღარ უშვენებ. ადგილზე მრევლი შეიკრიბა, რომლებიც ბერი ნიკოლოზის ბინაში დაბრუნებას ითხოვს. აღნიშნულს სოციალურ ქსელში გია მაისაშვილი ეხმაურება.
"ვთხოვ მას, ვისაც ეხება ეს საკითხი მშვიდობიანად გადაჭრას იგი. ბერი ნიკოლოზი არის მდუმარებასა და თავმდაბლობაში ყველა გაჭირვებულისა და სნეულისთვის მლოცველი. მასთან ბრძოლა არავის შეჰმატებს ღირსებას. სადაც სიყვარულის და თანაგრძნობის ნაკლებობაა, იქ არც მომავალია. მე კი მჯერა თითოელი ჩვენგანი აღსავსეა სიყვარულითა და დიდსულოვნებით. ძირს სიძულვილი, რაც მტრობას დაუნგრევია ერთმანეთის ქომაგობამ უნდა აგვაშენებინოს. უფლის სასწაულმომქმედი მადლი იყოს ჩვენი და ჩვენი შვილების მფარველი, ჩვენი გამარჯვების მომტანი. ალალ მართალი კაცის დაჩაგვრა ხომ ჩვენი შვილებისა და მშობლების დაჩაგვრა იქნება" - წერს გია მაისაშვილი.
გია მაისაშვილი ბერი ნიკოლოზის გასახლებას ეხმაურება: "მასთან ბრძოლა არავის შეჰმატებს ღირსებას"
