ახალი სცენარი არ გეგონოთ, რასაც ახლა წა­იკითხავთ, სერიალს მიღმა, რეალურ ცხოვრებაში ხდება. დღემდე ამ რომანის შესახებ მხოლოდ რამდენიმე ადამიანმა იცოდა, თორნიკეს და ნინოს ძალიან ახლო მეგობრებმა და ისინიც საიდუმლოს ერთგულ­ ად ინახავდნენ. თუმცა, „პრაი­ მტაიმი“ ხომ სწორედ იმისთვის არის, რომ ასეთი ხელმიუწვდო­მელი ინფორმაცია სახალხო გახადოს და პირველმა გითხ­რათ ის, რაც სინამდვილეში ხდება ორ ვარსკვლავს შორის. 

მოკლედ, „მაკუნა“ და „ნიკა კე­კელიძე“ რამდენიმე თვეა ხვდე­ბიან, ინფორმაცია ზუსტია და დადასტურებული.

ერთმანეთი სერიალის გადა­ღებებზე გაიცნეს. მიუხედავად იმისა, რომ ნინო თორნიკეზე უფროსია, მათი ურთიერთობი­სთვის ამას ხელი არ შეუშლია. რამდენიმეთვიანი რომანი დი­დხანს და საგანგებოდ მალეს, მაგრამ...

10 სექტემბრიდან ნინო ქო­რიძე აჭარაში ქეთი მაჭავარი­ანის ფილმის „მარილივით თე­თრი“-ს გადაღებებზე იყო წა­სული. ფილმში მთავარი როლი აქვს და ჭიათურელ ოფიციანტ გოგონას თამაშობს. როგორც ჩანს თორნიკემ საყვარელი ქა­ლის გარეშე თბილისში მარტო ვერ გაძლო და ბათუმში ჩააკ­ითხა. გადაღებები 2 დღის წინ დასრულდა. ამ ხნის მანძილზე, გადასაღებ მოედანზე, თორნიკე ნინოს გვერდით იყო. ინფორმ­აციის გადასამოწმებლად მათ ბათუმში დავუკავშირდით, მა­გრამ საკუთარ გრძნობებზე ხმ­ამაღლა ლაპარაკისგან, წყვილმა თავი შეიკავა. თუმცა პირად საუბრებში დაადასტურეს, რომ ერთად არიან და ერთმანეთი უყვართ.

ნინო ქორიძე პროფეს­იით მხატვარია, თუმცა ხან კინოგადაღებებში იღებს მონაწილეობ­ას, ხან თეატრში თა­მაშობს. რეკლამებშიც ხშირად გადაუღიათ.

18 წლის იყო, როცა პირვ­ელად პოდიუმზე ავიდა და სხვადასხვა ჩვენებებში დღემდე მონაწილეობს. ბო­ლოს ფილმში „სამი სახლი“ და „თბილისური „ლავ სთორი“-ში მიიღო მონაწილეობა, მაგრამ სერი­ალში „გო­გონა გარე­უბნიდან“, რომელმაც ყვ­ელაზე დიდი პოპუ­ლარობა მოუტანა, მისთვის სრულიად განსხვავებული ამ­პლუა იყო. თუმცა რატომ მარტო პოპუ­ლარობა? ამ სერიალ­მა ნინოს ცხოვრებაში მესამე სიყვარული გააჩ­ინა...

ნინო პირველად, 16 წლ­ის ასაკში, დათო კვირიკ­აძეზე გათხოვდა, თუმცა 2 წელში მათი ოჯახი დაინგრა. ახლა 18 წლის შვილი ირაკლი ჰყავს, რომელიც ინგლისში სწავლობს. 21 წლის ნინომ მეორედ იქორწინა, ეს ქო­რწინება წელიწადნახევარს გაგრძელდა...

მისი მეორე მეუღლე, კოტე გოგელია, მაკა ასათიანის ახლანდ­ელი ქმარია. რაც შეეხება თორნიკე გოგრიჭიანს, მან ეკრანზე გამოჩენისთანავე ქართ­ველი გოგონების გული დაიპყრო და ყველაზე სა­სურველი სასიძოც გახდა. ბოლო რამდენიმე თვეა, მის გარშემო აქტუალურია კითხვა – ჰყავს თუ არა შე­ყვარებული?

23 წლის თორნიკე მუსკომედიის თეატრის მსახ­იობია. ასეთ პატარა ასაკში დათო დოია­შვილის დადგმულ „მაკბეტში“ მთავარი როლი ითამაშა და საუკეთესო როლის შესრულებისთვის ხორვატიაში პრ­იზიც აიღო, სპ­ექტაკლმა კი 12 ნომინაციიდან 9 პრიზი „მო­ხსნა“.

ივნისში „პრაიმტაიმთ­ან“ მოცემულ ინტერვიუში თორნიკე ამ­ბობდა, შე­ყვარებული არ ვარო. მაშინ სერიალი ახალი დაწყებული იყო და შესაბამი­სად, მისი და ნინოს ურთიერ­თობაც დაახლოებით ამ პერი­ოდიდან იწყება. მათი გასაიდუმლოებული ურთიერთობის შესახებ არც თორნიკეს ახლო მეგობარმა, სერიალში ლევან ხომერი­კის გმირმა, იგივე გიორგი ვარდოსანიძემ იცოდა, ან უბრალოდ, მეგობარი არ გათქვა.

   გიორგი ვარდოსანიძე:

- "შეყვარ­ებულები არიან? საოცრება. არ არის ჩემთვის დაუჯერებელი ამ­ბავი, უბრალოდ, მართლა არ­აფერი ვიცოდი. ცალ-ცალკე ორივეზე ვგიჟდები, მისალო­ცად ჰქონიათ საქმე და მეტი არაფერი. ბათუმიდან რომ ჩამოვლენ დავე­ლაპარაკები და მივულოცავ. ორივეს ყველაფერ კარგს ვუ­სურვებ“. -ამბობს გიორგი ვარდოსანიძე.

მახსოვს, ადრე თორნიკე გოგრიჭიანი ჩემს სტატია­ში ეშტონ კატჩერს მივამს­გავსე. თურმე გაუა­ზრებელი, ქალური ინტუიციით გამი­კეთებია. ეს მსგავსება. ეშტონ კატჩერის მსგავსად, თო­რნიკემაც სულ მალე რომანი მასზე უფროს და დემი მური­ვით მომხიბვლელ ნინო ქო­რიძესთან გააბა. ჰოლივუდე­ლი კოლეგებისგან განსხვავებით, წყვილი ერთად ჯერჯ­ერობით არსად ჩნდება, თუ არ ჩავთვლით გადასაღებ მოედანს, სადაც მხოლოდ გადამღები ჯგუფია. ახლა, თორნიკეს პერსონაჟსაც (სე­რიალში „გოგონა გარეუბ­ნიდან“) იშვიათად იღებენ და ნინოს გმირიც ნაკლებად ჩანს. თითქოს მოილაპარაკ­ესო, თორემ გადასაღებ მოედანზე მათ ერთად დაფი­ქსირებას, მარტივად მოვახერხებ­დით. 

ნინო ქორიძე:

„ვიცი, რომ ინტერვიუ გინდათ და დაკა­ვშირებას ცდილობთ. ახლა ვერ დაგელაპარაკებით. მე საერთოდ არ მიყვარს ინტერვიუს მიცემა. ახლა, მით უმეტეს, არ მინდა. გადავდოთ ცოტა ხანი. დაახლო­ებით ერთი თვე და მერე ყველ­აფერს გეტყვით. სხვას არავის დაველაპარაკები. არც ერთს არ გვინდა ჯერჯერობით პრესაში გამოჩენა. ეს ორივეს გადაწყვე­ტილებაა“.

ქორიძეების ოჯახში ნინოს რომანს პოზიტიურად აფასებენ. მართალია, თორნიკე თავისი რეჟიმის გამო მა­თთან სტუმრობას იშვიათად ახერხე­ბს, მაგრამ ის ნინოს ოჯახის წევრებს ძალიან მოსწონთ. ჩვენ ნინოს დას, სოფოს ვესაუბრეთ. ის „პრაიმტაიმის“ წინა ნომრის სტატიით კმაყოფილი ჩა­ნდა. 

სოფო ქორიძე: – ჩვენ ძალიან ჩვეულებრივი, ნო­რმალური და დადებითი დამოკიდე­ბულება გვაქვს თორნიკესა და ნინოს რომანზე. ვიცი, სტატიას ძალიან დი­დი გამოხმაურება და ინტერესი მო­ჰყვა.

– "იცნობთ თორნიკეს?

– კი, ვიცნობ. ძალიან კარგი ბი­ ჭია.

– ხშირად გსტუმრ­ობთ?

– ისეთი დაკავებულია, რომ იშვიათად გვსტუმ­რობს.

– რამდენი ხანია, რაც იც­ით მათ ურთიერთობაზე?

– არ ვიცი, ვერ გეტყვით. არ ვარ ინტერვიუს მიცემას მიჩვეუ­ლი და...

– მისგან თანხმობა გვქონდა, როცა წინა ნომერში მზადდებოდა სტატია. შეიცვალა შეყვარებული ნინო?

– მაინც ინტერვიუს მართმევთ.

– ხომ არ აპირებენ უახლოეს მო­მავალში დაქორწინებას?

– არ ვიცი და მე რომ ახლა ზედმ­ეტი ვთქვა, არ მინდა".

რუსკა მაყაშვილი, იგივე ანჩო, ერთ-ერთი პირვ­ელი აღმოჩნდა, რომლის დაკვირვებულმა თვალმა შეყვარებულ წყვილს „რაღაც“ შეატყო.

  რუსკა მაყაშვილი:

„თორნიკე ჩემი მეგო­ბარია. ერთ-ერთი პირველი „თვალი“ ვარ, ვინც მიხვდა, მათ შორის რომ რაღაც ხდებ­ოდა. მათი სიყვარულის ისტორია ზაფხულ­ში, შვებულებაში გასვლამდე დაიწყო. დაახ­ლოებით ივლისში. გადაღებები ქარვასლაში გვქონდა. გადაღებებს შორის სულ ისხდნენ და ძალიან ბევრს ლაპარაკობდნენ. ეს ეგრე­ვე შევნიშნე და ვიეჭვე. თორნიკესთან მივედი და ვკითხე, რა ხდება-მეთქი? მას გაეღიმა და არ ვიციო, მიპასუხა. მერე ნინოსაც დავეკი­თხე... მოკლედ, ძალიან უყვართ ერთმანეთი და ძალიან მიხარია, ერთად რომ არიან“. 

თორნიკე გოგრიჭიანი, შეძლება ითქვას, დათო დოიაშვილ­ის აღმოჩენილი მსახიობია. ბო­ლოს და ბოლოს, 23 წლის ბიჭს „მაკბეტის“ როლიც კი ანდო.

 დათო დოიაშვილი:

- „მე მსახ­იობების პირადი ცხოვრებით დაინტერესებული არ ვარ. თუ­მცა შემიძლია, გითხრათ ის, რომ თორნიკე სულ შეყვარებ­ულია. როცა ადამიანი შეყვარ­ებულია, ბედნიერია და ეს კარგ­ია“.

წყვილის „ლავსთორის“ დიდი გამოხმაურება მოჰყვა.

ნიკა წულუკიძე სერიალის – „გოგონა გარეუბნიდან“ სცენარზე მუშაობს. თორნიკეს გმირი ნიკა კეკელი­ძე მალე დადგება ფეხზეო, დაგვპირდა. სცენარისტს ნინოსა და თორნიკეს რომანზე ჩვენი გაზეთის წინა ნომრიდან შეუტყვია.

 ნიკა წულუკიძე:

„სცენარისტი გადაღების პროცესს არ ესწრება. გადაღებებზე ცალ-ცალკე მოდიოდნენ და მიდოდნენ. ბნელ კუთხეებში კიდევ ერთად არ შემინი­შნავს. როცა ორ არაჩვეულებრივ ადამიანს ერთმ­ანეთი უყვადებათ, ამაზე კარგი რა უნდა იყოს. ასაკი, დრო და ბუღალტერია რა შუაშია, რო­ცა ორ ადამიანს ერთმანეთი უყვართ. ქალი თუ მოგინდება, 63 წლის იქნება თუ 23-ის და იმასაც თუ მოუნდები, მოკლე ჩართ­ვა უნდა მოხდეს. თორნიკე ბოლოს მაღაზიაში შემხვდა, ლუდს ყიდუ­ლობდა. არ მიკითხავს ამ რომანზე".

აჩიკო სოლოღაშვილი თორნიკეს მეგო­ბარი და კოლეგაა.

 აჩიკო სოლოღაშვილი:

„მე ამ სიყვარულ­ის შესახებ ცოტა მოგვიანებით გავიგე, როცა უკვე არსებობდა ეს ურთიერთობა. თორნიკე ყოველთვის კარგი მე­გობარი და კარგი ადამიანია. იგივეა დღესაც. სიყვარული ეხმარება, კიდევ უფრო უკ­ეთესი გახდეს და წინ წავიდეს თავის საქმეში. სტიმულს აძლე­ვს. სამწუხაროდ, ერთი თვეა, არ მინახავს. 24-საათიან სარე­პეტიციო რეჟიმში ვარ. რო­გორც ვიცი, ძალიან კარგ­ად არის“.

ავტორი: თამარ გონგაზე.

წყარო: გაზეთი "პრაიმტაიმი" N42(84) - 43(85) - ის არქივიდან. 2010 წ.