ბლოგერი გურამ შეროზია "ფეისბუქის" საკუთარ გვერდზე იმ ადამიანების სეკითხვებს პასუხობს, ვისაც აინტერესებს, რითი იღებს სიამოვნებას, როცა არც ეწევა და არც არაფრით "კაიფობს".

როგორც შეროზია წერს, სიამოვნებას ადამიანებისგან, მოგზაურობისგან, კარგი ღვინით და არყითა, ადრენალინისგან, მიღწეული მიზნებისგან, დაგეგმვის პროცესებისგან, საინტერესო თამაშებისგან და ექსპერიმენტებისგან იღებს.

"მოსაწევს" არ ეწევი? არც დრაგებს იღებ? ეე რამდენს კარგავ ტოო, აბა რით კაიფობ? - ასეთ შეკითხვებს მინდა ერთიანად ვუპასუხო: არა, არ ვეწევი/ვიკეთებ/ვიყნოსავ/ვყლაპავ, თუმცა იმაზე გაცილებით დიდ "კაიფს" ვიღებ, ვიდრე სადღაც ბნელ კუთხეში, დახვრეტილი ბოთლით ჩაცუცქული ადამიანები. ...ვიღებ ადამიანებისგან, მოგზაურობისგან, კარგი ღვინით და არყითაც, ადრენალინისგან, მიღწეული მიზნებისგან, დაგეგმვის პროცესებისგან, საინტერესო თამაშებისგან და ექსპერიმენტებისგან, წიგნებიდან, ფილმებიდან, მუსიკიდან, თავგადასავლებიდან, მრავალი სხვა წყაროდან. და იმდენად მძაფრი, ფერადი და ძლიერია ჩემი ყველა ემოცია თუ შეგრძნება, რომ საერთოდ არ სჭირდება ჰაშიშებით, ბიოებით, ჰეროინებით, ექსტაზებით და ა.შ. ხელოვნური "გაძლიერებები".

ჰოდა, ჩემი ცხოვრება კი ამ ყველაფრის გარეშეც ძალზედ საინტერესოა, მაგრამ პოტენციურ თუ შემდგარ თვითმკვლელებთან დაკავშირებით წარმოდგენაც ვერ მაქვს რა შეიძლება იყოს გამოსავალი. ვერც კანონის გამკაცრება, ვერც შემსუბუქება, მეტი წინდახედულობა და მეტი, მეტი ტვინი, ალბათ და მხოლოდ... ://

p.s. კიდევ რამდენი უდანაშაულო ახალგაზრდის სიცოცხლე უნდა შეეწიროს ამ ყველაფერს, რომ იდიოტმა პროპაგანდისტმა საზოგადოებამ ერთხელ და სამუდამოდ შეიგნოს, შეიგნოს, შეიგნოს...!", - წერს შეროზია.