ინდონეზიაში მოქმედმა ვულკანმა გაიღვიძა. ხუთბალიანი მიწისძვრის შემდეგ, კუნძულ ბალიზე აგუნგის კრატერიდან ვულკანური ფერფლი იფრქვევა. ინფორმაციას ბრიტანული გამოცემა independent-ი ავრცელებს.
სტატიის მიხედვით ირკვევა, რომ სტიქიური საფრთხის ზონა, ბოლო 24 საათის განმავლობაში, 6 ათასმა ადამიანმა დატოვა. ისინი დროებით თავშესაფრებში გადაიყვანეს.
ინდონეზიის გეოლოგიურ სამსახურში აცხადებენ, რომ ლავის ამოფრქვევის საფრთხე ძალიან მაღალია.