ყაჩაღური თავდასხმა მოხდა ვაკეში, მარუხის ქუჩის 13 ნომერში. ამის შესახებ ინფორმაციას ტელეკომპანია იბერია ავრცელებს.
ტელეკომპანიის ცნობით, თავდამსხმელები ერთ-ერთ ოჯახში შეიჭრნენ, საიდანაც 1000 ევრო და 2500 ფუნტი გაიტაცეს.
შინაგან საქმეთა სამინისტრო დაზარალებულთა და თვითმხილველთა დაკითხვას აწარმოებს. როგორც პრაიმტაიმს უწყებაში განუმარტეს, მომხდარზე გამოძიება სისხლის სამართლის კოდექსის 179-ე (ყაჩაღობა) და 236-ე (ცეცხლსასროლი იარაღის უკანონო შეძენა-შენახვა-ტარება) მუხლებით მიმდინარეობს. თავდამსხმელების ვინაობის შესახებ ინფორმაცია ამ ეტაპზე არ ვრცელდება.