31 იანვარს, საქართველოს მართლმადიდებელი ეკლესია, თამარ მეფის ხსენების დღეს აღნიშნავს.
საქართველოში თამარობა, წელიწადში ორჯერ აღინიშნება - 31 იანვარს, როცა საქართველოს მართლმადიდებელი ეკლესია, თამარის მიცვალებას აღნიშნავს და 14 მაისს, მისი ხსენების დღეს.
თამარ მეფე, ქართული ეკლესიის მიერ, წმიდანად არის შერაცხული.
„მეფეთ მეფე და დედოფალთ დედოფალი აფხაზთა, ქართველთა, რანთა, კახთა და სომეხთა, შირვანთა და შაჰანშათა და ყოვლისა აღმოსავლეთისა და დასავლეთისა თვითმფლობელობითა მპყრობელი – ეს თამარ მეფის ტიტულია.
იგი მამამ, გიორგი III-ემ, თანამოსაყდრედ, 1179 წელს გამოაცხადა. 1184 წლიდან კი, იგი საქართველოს მონარქი გახდა.
მეფე გიორგის გარდაცვალების შემდეგ, ქვეყანაში რთული ვითარება შეიქმნა; ფეოდალურმა არისტოკრატიამ, დაიწყო ბრძოლა, დაკარგული პოლიტიკური პრივილეგიების აღსადგენად.
1185 წელს, გავლენიან ფეოდალთა ერთმა ჯგუფმა, თამარს, მისი სურვილის წინააღმდეგ, შერთო ანდრეი ბოგოლიუბსკის შვილი, იური, რომელიც ქართულ წყაროებში ცნობილია, „გიორგი რუსის სახელით. ორი-ორნახევრი წლის შემდეგ, თამარი განქორწინდა და იური, საქართველოდანაც განდევნეს. მეფე თამარი, მეორედ დაქორწინდა, დაახლოებით 1189 (ან 1187) წელს, დავით სოსლანზე.
თამარს, საქართველოს ოქროს ხანაში მოუწია მეფობა და უაღრესად წარმატებული მმართველი აღმოჩნდა.,
თამარის გარდაცვალების თარიღად, მეცნიერები, რამდენიმე წელს ასახელებენ. მძიმე სენით დაავადებული მეფის გარდაცვალება, მთელმა საქართველომ იგლოვა. ქვეყანამ დაკარგა დედა და დედოფალი, სრულიად სახელმწიფოსი. ეს იყო, კლასიკური ხანა, საქართველოს ისტორიაში.
დღემდე, თამარ მეფის, ოთხი პორტრეტია შემორჩენილი. მათ შორის, ერთ-ერთი, ბეთანიის ტაძარს ამშვენებს. თამარის ფრესკა, სამხრეთის შესასვლელიდან შესულ ადამიანს, უდგება თვალწინ. მას ხელები, საკურთხევლისკენ აქვს გაწვდილი. სამეფო ტანსაცმელი აცვია. მხატვარს მეფე, ჩვეულებრივ ადამიანად ჰყავს წარმოდგენილი. ის მოკლებულია, ღვთაებრიობას. თამარის სახე, დიდებული და ამაღლებულია.
თამარ მეფის სახე, შემოგვინახა, ბერთუბნის ეკლესიამაც. ფრესკა დაზიანებულია, გადარჩენილი ნაწილები, საქართველოს ხელოვნების მუზეუმშია დაცული.
XII-XIII საუკუნეების ქართული კულტურის, ვარძიის მშენებლობის ისტორიაში, რამდენიმე პერიოდი გამოიყოფა. ერთ-ერთი ეტაპი, თამარის მეფობის დასაწყისია. ვარძიის მშვენება, ღვთისმშობლის მიძინების ტაძარია, სადაც ჩრდილოეთ კედელზე, თამარ მეფე და გიორგი III არიან გამოსახულნი. თამარის ფრესკა, ყინწვისში ყმაწვილ ქალს, ეკლესიის მოდელი უპყრია ხელთ. თამარმა, ბასიანის ბრძოლაში გამარჯვების აღსანიშნავად, ტაძარი, უხვი წყალობით აღავსო.
ყინწვისის ტაძრის ჩრდილოეთ კედელზე, თამარ მეფე, ლაშა-გიორგისთან და გიორგი III-სთან ერთადაა გამოსახული. შენობა შეულესავთ და ფრესკების დიდი ნაწილი დაზიანებულია, მაგრამ გადარჩენილი ფრესკები, მხატვრული ღირსებით, შუა საუკუნეების მონუმენტური ფერწერის, უმნიშვნელოვანესი ძეგლებია.
ქართულმა ეკლესიამ, თამარ მეფე, წმიდანად შერაცხა. მისი ხსენების დღე, საქართველოს ავტოკეფალიის აღდგენიდან, 1917 წლიდან აღინიშნება.
