მსახიობი ეკა ჩხეიძე, არჩილ ტატუნაშვილის ცხედრის გადმოსვენებასთან დაკავშირებით, რუსეთის პრეზიდენტის, ვლადიმერ პუტინის მიმართ გაგზავნილ მოთხოვნას გამოეხმაურა, რომელიც ქართველი კულტურის სფეროს წარმომადგენლებმა, ასმათ ტყაბლაძემ, ნუნუ გაბუნიამ, თეიმურაზ გვასალიამ, ზურაბ ყიფშიძემ, თამარ ჭოხონელიძემ, მაკა მახარაძემ,მარიკო კვალიაშვილმა, ირმა სოხაძემ, დავით ოქიტაშვილმა და ლია მიქაძემ, პრეზიდენტს, ღია წერილის სახით გაუგზავნეს:
პოლიტიკურია ეს საკითხი და ჩემი აზრით, საქართველოს მთავრობის და პოლიტიკოსების წარმომადგენლების მოსაგვარებელი უფროა, ვიდრე კულტურის სფეროს მოღვაწეების. ვფიქრობ, რომ პუტინს, ასეთი მოთხოვნით, ვერ შევაშინებთ, უფრო, დიპლომატიუირი მიდგომა გვჭირდება.
სავარაუდოდ, ამ სახით მიმართვას, არანაირი შედეგი არ ექნება - ძალით ვერ ვერევით რუსებს და იქნებ სხვა გზა გამოვნახოთ. საქართველო და ქართველები, ყოველთვის ვახერხებდით რუსეთთან ურთიერთობას და ეხლა რატომ ვიქნევთ მხოლოდ მუშტებს, ეს ხომ მათთან არასოდეს ჭრიდა.
ვფიქრობ, რომ სიყვარულის დეფიციტი აქვს პუტინს და ცოტა, სიკეთე რომ გავცეთ, იქნებ, თბილად ნათქვამმა სიტყვამ, დაკარგული ტერიტორიებიც კი, დაგვიბრუნოს. მოთხოვნაზე კი, ჩემი აზრით, უკურეაქცია ექნება - ძალის გამოყენებით და მუქარით, რაც მივიღეთ სახეზეა - ამბობს ეკა ჩხეიძე.
