პატრიარქის თანამოსაყდრე, მეუფე შიომ, ცხინვალის ციხეში მოკლული არჩილ ტატუნაშვილის ოჯახს მიუსამძიმრა. მეუფე შიო წილკანში სასულიერო პირებთან ერთად ჩავიდა.
ინფორმაციის ამსახველ მასალას რუსთავი 2 ავრცელებს.
არჩილ ტატუნაშვილი საოკუპაციო რეჟიმმა ოკუპირებული ახალგორის ტერიტორიაზე 22 თებერვალს დააკავა, 23 თებერვალს კი გაავრცელა ინფორმაცია მისი გარდაცვალების შესახებ.
ორ კვირაზე მეტია, რაც ტატუნაშვილების ოჯახი შვილის გადმოსვენებას ელოდება.
დეფაქტო ხელისუფლების ინფორმაციით, არჩილ ტატუნაშვილის ცხედარს ექსპერტიზა უტარდება და პასუხების მიღებამდე ცხედრის გადმოცემა არ იგეგმება.
