პოლიტიკური მოძრაობის "გირჩი" ერთ-ერთი ლიდერი ზურა ჯაფარიძე გადაცემაში "თავისუფალი სივრცე" აცხადებს, რომ პრეზიდენტი მარგველაშვილი ცუდი პრეზიდენტი იყო და ვერაფრის გაკეთება მოახერხა 5 წლის მანძილზე, რის შედეგადაც იგი ერთი წლის შემდეგ ქვეყანაში აღარც ემახსოვრებათ:
"საპრეზიდენტო არჩევნებში არამგონია მარგველაშვილს გამარჯვების შანსი ჰქონდეს. ზოგადად მის პრეზიდენტობაზე კარგი აზრის არ ვარ. მგონია, რომ რთული მოსახერხებელი იყო, ადამიანს გაეტარებინა 5 წელი პრეზიდენტის თანმდებობაზე ისე უღიმღამოდ და უყველაფროდ, როგორც ეს მარგველაშვილმა გააკეთა. დარწმუნებული ვარ ერთი წლის შემდეგაც კი არავის ემახსოვრება პრეზიდენტ მარგველაშვილის პრეზიდენტობის ხანა, იმიტომ, რომ ამ ადამიანმა არაფერი არ გააკეთა და რეალურად არაფერი დატოვა, გარდა იმისა, რომ რაღაც პერიოდი გაატარა უფრო პოლიტიკურ კინკლაობაში, ვიდრე საქმის გაკეთებაში" - განაცხადა ტელეკომპანია "იბერიას" გადაცემაში "თავისუფალი სივრცე" ზურა ჯაფარიძემ.