თემქაზე საცხოვრებელი კორპუსის მეექვსე სართულიდან ახალგაზრდა ქალი გადმოვარდა.
შემთხვევა ცოტა ხნის წინ მოხდა. გოგონა მიღებული ტრავმებით სასწრაფო დახმარების ბრიგადამ თემქის მე-5 კლინიკურ საავადმყოფოში გადაიყვანა.
როგორც პრაიმტაიმს შსს-ში განუცხადეს, მომხდარზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.
გოგონა კონტაქტური იყო, როდესაც სტაციონარში გადაიყვანეს, - აღნიშნეს შსს-ში.