თბილისში, აღმაშენებლის ხეივანზე ავტოსაგზაო შემთხვევა მოხდა. შედეგად ორი ადამიანი მსუბუქად დაშავდა.
როგორც "პრაიმტაიმს" შსს-ში განუცხადეს, ერთმანეთს ორი მსუბუქი ავტომობილი შეეჯახა.
დაშავებულები სასწრაფო-სამედიცინო დახმარების ბრიგადამ საავადმყოფოში გადაიყვანა და მათ მსუბუქი სახის დაზიანებები აღენიშნებათ.
გამოძიება 276-ე მუხლის პირველი ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ჯანმრთელობის მსუბუქი დაზიანება.