ზუგდიდის მუნიციპალიტეტის მერიაში ქურდობა მოხდა. არსებული ინფორმაციით, მოპარულია 5 აკუმულატორი, რომელიც აზიური ფაროსანის შესაწამლ მანქანებს აქვს ამოცლილი.
"იმედინიუსის" ინფორმაციით, ავტომობილები ზუგდიდის მერიას 25 აპრილს გადაეცა და ისინი მერიის წინ დააყენეს.
ზუგდიდის მერიაში ქურდობის ფაქტს არ ადასტურებენ, შსს-ს ინფორმაციით კი ზუგდიდის მუნიციპალიტეტის მერიაში მომხდარ ქურდობის ფაქტზე გამოძიება სსკ-ის 177-ე მუხლით დაიწყო, რაც ქურდობას გულისხმობს. როგორც უწყებაში განმარტავენ, დამნაშავეების დასაკავებლად საგამოძიებო მოქმედებები მიმდინარეობს.