დანიაში საქართველოს მოქალაქე გარდაცვლილი იპოვეს. 56 წლის გელა პაპაშვილი, წინასწარი ინფორმაციით, გულის შეტევას ემსხვერპლა. ინფორმაციას რუსთავი 2 ავრცელებს.
გარდაცვილი ერთ-ერთ პოლონურ ფირმასთან თანამშრომლობდა და სატვირთო ავტომანქანაზე მძღოლად მუშაობდა.
პაპაშვილი 26 აპრილს მისმა ნათესავმა იპოვა და სამართალდამცავებს შეატყობინა.
ოჯახი უკვე დაუკავშირდა საკონსულოს, თუმცა, პროცედურის გავლა უქმე დღეების გამო ფერხდება.
გარდაცვლილი მამაკაცი კობა პაპაშვილის მამაა, რომელიც 5 თვის წინ ქალაქ ბულონ სულ მერიში, პორტის ტერიტორიაზე მოკლული ნახეს.
პაპაშვილების ოჯახი ყვარლის მუნიციპალიტეტის სოფელ მთისძირიდან არის.