დღეს მოსკოვში გაიმართება რუსეთის პრეზიდენტად მეოთხე ვადით არჩეული ვლადიმირ პუტინის ინაუგურაცია. პუტინი პრეზიდენტის ფიცს დადებს კრემლის დიდ დარბაზში.
18 მარტს ჩატარებულ არჩევნებში ვლადიმირ პუტინმა ხმების 76%-ით გაიმარჯვა.
როგორც რუსეთის პრეზიდენტის პრესმდივანმა დიმიტრი პესკოვმა განაცხადა, ინაუგურაციის ცერემონია ტრადიციული სცენარით გაიმართება.
ინაუგურაციის შემდეგ პრეზიდენტი სახელმწიფო დუმას განსახილველად პრემიერ-მინისტრობის კანდიდატს წარუდგენს.