17 მაისს სამების საკათედრო ტაძარში საყოველთაო ჯვრისწერა გაიმართება. რეგისტრაცია ამ დრომდე გრძელდება, შესაბამისად ის თუ რამდენი წყვილი დაიწერს ჯვარს, ჯერჯერობით, უცნობია. ინფორმაციას სააგენტო "ინტეპრესნიუსი" ავრცელებს.
„საყოველთაო ჯვრისწერა უწმინდესის კურთხევით იმართება. რადგან 17 მაისს ასევე ამაღლების დღესასწაულია, წყვილთა ჯვრისწერა სადღესასწაულო წირვის შემდეგ მოხდება. ჯვარს წყვილებს მოძღვარი დაწერს. შემდგომ კი შეძლებისდაგვარად, წინასწარ არ ვიცით, იმავე დღეს ან მომდევნო საკვირაო წირვის შემდეგ ოჯახებს პატრიარქი დალოცავს. მოგეხსენებათ, ამავე დღეს საყოველთაო მსვლელობაც იმართება“, - თქვა საყოველთაო ჯვრისწერის ერთ-ერთმა ორგანიზატორმა მაია გონჯილაშვილმა.
საყოველთაო ჯვრისწერა პატრიარქის კურთხევით უკვე ორი წელია მიმდინარეობს და ამ დროისთვის ჯვარი დაახლოებით 500–მდე წყვილმა დაიწერა.