ტელეწამყვანი ნანუკა ჟორჟოლიანი ფეისბუქ გვერდზე ფოტოს აქვეყნებს, "პრაიმტიამი" ფოტოს და კომენტარს უცვლელად გთავაზობთ:
"პოლიტიკურ აქციებზე აქ დამდგარ ბრბოს რატო არ აპროტესტებდით. აა, ფეხებით დგომა კი და ცეკვა არა? კაი ❗️ Sesily Bochoidze მადლობა ფოტოსთვის❤️" - წერს ჟორჟოლიანი.
პარასკევს ღამით, კლუბებში: "ბასიანი" და "გალერი" სამართალდამცავებმა სპეცოპერაცია ჩაატარეს. შსს-ს განცხადებით დაკავებულია 8 ნარკორეალიზატორი.
გუშინ, პროტესტის ნიშნად, "თეთრი ხმაურის" მოძრაობამ აქცია გამართა ლოზუნგით: "ჩვენი თავისუფლებისათვის". აქციის მონაწილეებს რამდენიმე მოთხოვნა ჰქონდათ: პირველ რიგში აქციის ორგანიზატორები პრემიერ-მინისტრისა და შინაგან საქმეთა მინისტრის გადადგომას მოითხოვენ. ასევე, მოითხოვენ, რომ დაისაჯოს ძალადობრივ ოპერაციაზე პასუხისმგებელი ყველა პირი და დადგეს „ქართული ოცნების“ პოლიტიკური პასუხისმგებლობის საკითხი.
აქციის ერთ-ერთი მონაწილე 9 აპრილის მემორიალზე ავიდა და იცეკვა, რასაც საზოგადოების კრიტიკა მოჰყვა. სწორედ ამ საკითხს ეძღვნება ტელეწამყანის მიმართვა.