ევროპარლამენტში დღეს საქართველოს შესახებ დებატები გაიმართება. სიტყვით ევროკომისიის ვიცეპრეზიდენტი, ევროკავშირის უმაღლესი წარმომადგენელი საგარეო პოლიტიკისა და უსაფრთხოების საკითხებში ფედერიკა მოგერინი გამოვა. განსახილველი თემა: საქართველოს ოკუპირებული ტერიტორიები რუსეთის შეჭრიდან 10 წლის შემდეგ იქნება.
ევროპარლამენტი საქართველოს ტერიტორიულ მთლიანობას, სუვერენიტეტს, კონფლიქტების მშვიდობიანი გზებით გადაჭრასა და არაღიარების პოლიტიკის გაგრძელებას მხარდაჭერას უცხადებს.
ევროპარლამენტის მხრიდან 2008 წლის აგვისტოს ომზე საქართველოს შესახებ რეზოლუციის მიღება იგეგმება.