ხორავას ქუჩაზე მოკლული დავით სარალიძის მამა ზაზა სარალიძე და უფლებადამცველი ზვიად კუპრავა, სოფელ დუისში იმყოფებიან და მოკლული თემირლან მაჩალიკაშვილის მამას, მალხაზ მაჩალიკაშვილს ხვდებიან.
მათი განცხადებით, დღევანდელ შეხვედრაზე შემდგომ სამოქმედო სტრატეგიას შეიმუშავებენ. მხარეები დღესვე შეთანხმდებიან, რა ფორმით და რესურსით გააგრძელებენ მოქმედებას.
მალხაზ მაჩალიკაშვილმა კუპრავას და სარალიძეს ის ოთახი დაათვალიერებინა, სადაც თემირლან მაჩალიკაშვილს ესროლეს.