მსახიობ ზაზა (ზუზუ) ბეჟაშვილის ცხედარს ექსპერტიზა უკვე ჩაუტარდა. გარდაცვლილის ცხედარი მის საცხოვრებელ სახლში ცოტა ხნის წინ გადაასვენეს.
როგორც "პრაიმტაიმს" იქ მცხოვრებმა განუცხადა, ზუზუ დედასთან ერთად ცხოვრობდა. მეზობლებთან კარგი ურთიერთობა ჰქონდა, უშუალო ადამიანი იყო. არც ჯანმრთელობის პრობლემებს უჩიოდა.
ახალგაზრდა მსახიობი გუშინ, გვიან ღამით, დოლიძის ქუჩაზე, ერთ-ერთი საცხოვრებელი სახლის ლიფტში გარდაცვლილი იპოვეს.
პირველადი დათვალიერებით ცხედარს ძალადობის კვალი არ აღენიშნება. გამოძიება სსკ-ის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.