ძლიერ აფეთქებას ფოთში, ნაბადისუბანში ერთი ადამიანი ემსხვერპლა, სამი კი დაშავდა. დაშავებულებს შორის ერთი არასრულწლოვანია, მას დაზიანება თავის არეში აქვს მიყენებული და ქუთაისის ინტერვენციული მედიცინის ცენტრში იმყოფება. 

როგორც პრაიმტაიმისთვის გახდა ცნობილი, აფეთქებას 41 წლის რომა სიჭინავა ემსხვერპლა.
 
წინასწარი ინფორმაციით, დაშავებულებს ხელყუმბარა აუფეთქდათ. გამოძიება სისხლის სამართლის კოდექსის ორი მუხლით - 236-ე და 124-ე - მიმდინარეობს, რაც ცეცხლსასროლი იარაღის, ან ასაფეთქებელი მოწყობილობის უკანონო შეძენა-შენახვა ტარებას და გაუფრთხილებლობით ჯანმრთელობის დაზიანებას გულისხმობს.

საუბარია 33 წლის, 16 წლის, 29 წლის და 41 წლის მამაკაცებზე, რომელთაგანაც ეს უკანასკნელი გარდაიცვალა.

გთავაზობთ შემთხვევის ადგილიდან ექსკლუზიურ ფოტო-ვიდეომასალას.