"როცა ჩვენი ოპონენტები შავ წარსულში დაბრუნებას გვთავაზობენ, პრემიერ-მინისტრი და მთავრობა მწვანე პოლიტიკაზე მუშაობს" - ამის შესახებ უმრავლესობის წევრმა არჩილ თალაკვაძემ განაცხადა.
"როცა ჩვენი ოპონენტები შავ წარსულში დაბრუნებას გვთავაზობენ, პრემიერ-მინისტრი და მთავრობა მწვანე პოლიტიკაზე მუშაობს. მწვანე შავის ნაცვლად - განსხვავება აშკარად ჩანს. ეკოლოგიურად სუფთა ტრანსპორტზე გადასვლა, საზოგადოებრივი ტრანსპორტის განვითარება და ცენტრალური უბნების განტვირთვა ავტომანქანებისგან - ამ გეგმებისთვის უკვე კონკრეტული ვადები დასახელდა" - განაცხადა თალაკვაძემ.
დღეს, პრემიერ-მინისტრმა მამუკა ბახტაძემ და დედაქალაქის მერმა კახა კალაძემ მწვანე პოლიტიკა - ეკოტრანსპორტის პირველი ეტაპის პრეზენტაცია გამართეს.