"ნაციონალური მოძრაობის" ერთ-ერთი ლიდერი ნიკა მელია, შიდა ქართლში, საოკუპაციო გამყოფ ხაზთან იმყოფებოდა.
როგორც ნიკა მელიამ ჟურნალისტებს განუცხადა, მავთულხლართების არარსებობა ქვეყნის მთავრია ამოცანაა.
"სამწუხაროა, რომ კვლავ გრძელდება მცოცავი ოკუპაციაა, რუსეთი თავისას არ იშლის, ჩვენი ხელისუფლება კი დუმს. ეს დუმილი გრძელდება უკანასკნელი წლების განმავლობაში. ბევრჯერ გვითქვამს და ახლაც ვამბობთ, საერთაშორისო დღის წესრიგიდან საერთოდ გააქრო ჩვენმა ხელისუფლებამ ოკუპირებულ ტერიტორიებზე საუბარი. ეს ფაქტია და ამას თვითონაც არ უარყოფენ. ახლა მთავარი ამოცანა რა გვაქვს ჩვენი საქართველოს მოქალაქეებს?! ამაზე დიდი ამოცანა არ გვაქვს, რომ აი ეს მავთულხლართები აქ არ იყოს. თუმცა მანამდე საჭიროა უახლოეს კვირებში ქვეყნის მოსახლეობამ აირჩიოს ის მთავარსარდალი, რომელიც იქნება ჩვენი მოკავშირე, ჩვენი ქვეყნის სასიცოცხლო ინტერესებისა და არა საოკუპაციო ძალებისა",- განაცხადა ნიკა მელიამ.
სალომე ნეფარიძე