პარლამენტის ვიცე-სპიკერის ირმა ინაშვილის თქმით, ქვეყანას არჩეული ლეგიტიმური პრეზიდენტი ჰყავს.
ოპოზიცური პარტიის ლიდერის თქმით, სალომე ზურაბიშვილმა მეორე ტურში ღირსეული გამარჯვება მოიპოვა.
"სალომე ზურაბიშვილი არის ლეგიტიმური პრეზიდენტი. ვერავინ იტყვის, რომ მას არ არ აქვს ლეგიტიმაცია. სალომე ზურაბიშვილმა მეორე ტურში რეალურად მოიგო და მოიპოვა მხარდაჭერა. მივმართავ საგამოძიებო ორგანოებს დაიწყოს გამოძიება 780 ათას ხმაზე, რამდენად რეალურია "ნაციონალების" მოპოვებული ხმები. გამოძიების პარალელურად ჩვენ ვაწარმოებთ პროცესს, რომელიც კონკრეტულ ფაქტებს დადებს,"- განაცხადა ვიცე-სპიკერმა ირმა ინაშვილმა.
არჩეული პრეზიდენტის, სალომე ზურაბიშვილის ინაუგურაცია თელავში 16 დეკემბერს ჩატარდება.
ავტორი: ირაკლი ვაჩიბერაძე