ძალა ერთობაშია, დღეს საღამოს 21:00 საათიდან გმირთა მემორიალთან აქციის ჩატარებას აანონსებს.

ნაციონალური მოძრაობის წევრი ლევან ხაბეიშვილი ამბობს, რომ იქ მისული საზოგადოება ადგილზე გაათენებს და სანამ არ დარწმუნდებიან, რომ სალომე ზურაბიშვილი გმირთა მემორიალთან არ მივა, ადგილიდან ფეხს არ მოიცვლიან.

აქციას გავმართავთ, გმირთა მემორიალთან, სადაც სალომე ზურაბიშვილს გადაწყვეტილი ჰქონდა, რომ ხვალინდელი ღონისძიებების ფარგლებში, მისულიყო ჭავჭავაძის საფლავზე, თუმცა, მას შემდეგ, რაც გაიგო იმ აქტივობების შესახებ, რომელსაც ვაპირებდით გაერთიანებული ოპოზიცია და იმ ადამიანების ჯგუფი, რომელიც ამბობს, რომ სალომე ზურაბიშვილი საკუთარ ქვეყანას ადანაშაულებს ომის დაწყებაში, რომელიც თავის ჯარისკაცებს გადასცემს ჰააგის ტრიბუნალს, წერს წიგნს, რომელიც გამოიყენება ჩვენი ჯარისკაცების წინააღმდეგ, არ აქვს უფლება მივიდეს გმირთა მემორიალზე, სადაც კიდევ ერთხელ მიაყენებს შეურაცხყოფას ჩვენს გმირ ჯარისკაცებს. ამიტომ გადაწყვეტილი გვაქვს ბიძინა ივანიშვილის მიერ დანიშნულ პრეზიდენტს არ მივცეთ უფლება, მოვიდეს გმირთა მემორიალზე - ამბობს ხაბეიშვილი. 

ქვეყნის მომავალი პრეზიდენტის, სალომე ზურაბიშვილის ინაუგურაცია 16 დეკემბერს, თელავში, ერეკლე მეორის სასახლის ეზოში გაიმართება. 

გაერთიანებული ოპოზიცია ინაუგურაციის პარალელურად, აქციებს სხვადასხვა ქალაქებში, მათ შორის თელავშიც აანონსებს.