სამტრედიის მუნიციპალიტეტში, სოფელ იანეთში საცხოვრებელი სახლი დაიწვა.
თვითმხილველების თქმით, ადგილზე დროულად მივიდნენ მეხანძრე-მაშველები, თუმცა ხის სახლის გადარჩენა ვერ მოხერხდა. ხანძრის შედეგად არავინ დაშავებულა.
იანეთში, ადგილზე იმყოფებოდა მუნიციპალიტეტის მერი ვალერი ფოცხვერია, რომელმაც განაცხადა, რომ დაზარალებულ ოჯახს დაეხმარებიან.
ხანძრის გამომწვევ მიზეზებს შესაბამისი სამსახურები დაადგენენ.
ავტორი: ირაკლი ვაჩიბერაძე
