საგანგებო სიტუაციების სამსახურში, ძლიერი ქარის გამო, სამ დღეში, 261 შეტყობინება შევიდა, საიდანაც ყველაზე მეტი - 200 შეტყობინება თბილისზე მოდის.

ძლიერი ქარის გამო, 16 თებერვლიდან 19 თებერვლის 12:00 საათამდე, შინაგან საქმეთა სამინისტროს საგანგებო სიტუაციების მართვის სამსახურში შემოსულია 261 შეტყობინება. მათ შორის ყველაზე მეტი, 200 შეტყობინება თბილისიდან.

ქარმა ქვეყნის მასშტაბით დააზიანა:

87 ხე

62 შენობის სახურავი

32 ავტომანქანა

ბუნებრივი აირის 8 მილი

მაღალი ძაბვის 8 ელექტროსადენი 

4 სარეკლამო ბილბორდი

ყველა შემთხვევაზე შესაბამისმა სამსახურებმა მოახდინეს დროული რეაგირება.

ძლიერი ქარისგან შექმნილი პრობლემების გამო არავინ დაშავებულა.

საგანგებო სიტუაციების მართვის სამსახურის მეხანძრე-მაშველები უამინდობის გამო მუშაობის გაძლიერებულ რეჟიმზე არიან გადასულები, რათა საფრთხე არ შეექმნათ მოქალაქეებს, - აღნიშნულია უწყების ინფორმაციაში.