„თიბისი ბანკის“ აქციონერთა გადაწყვეტილებაში ვერავინ ჩაერევა, – ამის შესახებ შესახებ ჟურნალისტებს საქართველოს პარლამენტის საფინანსო-საბიუჯეტო კომიტეტის თავმჯდომარემ, ირაკლი კოვზანაძემ განუცხადა.

მისივე თქმით, პარლამენტის საფინანსო-საბიუჯეტო კომიტეტი მზად არის, „თიბისი ბანკის“ საკითხზე მოსმენა გამართოს.

„ეს არის ბანკის გადაწყვეტილება, აქციონერთა გადაწყვეტილება. ბანკის აქციონერებს შორის არიან საერთაშორისო ინსტიტუტები, ევრობანკი , „ჯი-პი მორგანი“. ამ გადაწყვეტილებაში ვერავინ ჩაერევა. პარლამენტი ღიაა, კომიტეტი მზად არის, მოსმენა გამართოს ორშაბათს. ველოდებით „თიბისი ბანკის“ აქციონერებს. ბანკის ადმინისტრაციას შეუძლია, მოვიდეს“, – განაცხადა ირაკლი კოვზანაძემ.

„თიბისი ბანკის“ სამეთვალყურეო საბჭოს თავმჯდომარე მამუკა ხაზარაძე „თიბისი ბანკს“ ტოვებს. ასევე, როგორც ხარაძემ აღნიშნა, ლონდონში „თიბისი ბანკის“ სამეთვალყურეო საბჭომ ეროვნულ ბანკთან სამართლებრივი დავის შეწყვეტის გადაწყვეტილება მიიღო.