ხანგრძლივი წვიმების შედეგად გვიან ღამით, ხარაგაულის მუნიციპალიტეტის რამდენიმე სოფელში პრობლემები შეიქმნა.
წყალმოვარდნების შედეგად დაიტბორა გზები და სანიაღვრე არხები. ჩამოწოლილმა მეწყერმა მოძრაობა შეზღუდა ვანი-სხლითის დამაკავშირებელ გზაზე.
„გუშინ რამდენიმე ჯგუფად ვიყავით გაყოფილი და საგანგებო რეჟიმში ვმუშაობდით. დროულად მოხდა ყველა პრობლემაზე რეაგირება. მოსახლეობას საფრთხე არ შექმნია. ვანი-სხლითის მიმართულებით გზა აღდგენილია.
მერიის სამსახურები საგანგებო რეჟიმში მუშაობენ. “ - აღნიშნა ხარაგაულის მერმა ნიკოლოზ თოფურიძემ.
სინოპტოკოსების ცნობით, უამინდობა ხარაგაულში ორი დღე შენარჩუნდება.