ბიზნესმენ ლევან ჯიბღაშვილის დაკავებას სოციალურ ქსელში მსახიობი ნატა გულიაშვილი ეხმაურება.
არიან საქართველოში ადამიანები, რომლებსაც, ლევანის წარმატებული ბიზნესი არ მოსწონდათ. ყველაფერს მალე აეხდება ფარდა. ზუსტად ვიცი, ლევანი მალე დაგვიბრუნდება, - წერს ნატა გულიაშვილი.
შეგახსენებთ, რომ გუშინ ნარკოდანაშაულის ბრალდებით თბილისში მსახიობი და ბიზნესმენი ლევან ჯიბღაშვილი დააკავეს. აღნიშნული ინფორმაცია „თაიმერმა“ გაავრცელა.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 260-ე მუხლის პირველი ნაწილით მიმდინარეობს.