რუსეთში მოღვაწე ქართველი მომღერლის ვალერი მელაძის მეუღლე ალბინა ჯანაბაევა, ჟურნალ OK-თან პირად ურთიერთობებზე ალაპარაკდა.
40 წლის ალბინა და 53 წლის ვალერი - წყვილს საზოგადოების მხრიდან ყურადღება არ მოსწონთ და იშვიათად აზიარებენ ოჯახურ ფოტოებს. ასევე, იშვიათად საუბრობენ პირად ცხოვრებაზე.
ჯანაბევამ, 8 მაისს, სოციალურ ქსელში მელაძესთან ერთად გადაღებული ვიდეომასალა გამოაქვეყნა. წყვილი მილანში მოგზაურობს. ალბინას ფოტოს, თაყვანისმცემლების მხრიდან დიდი გამოხმაურება მოჰყვა - ისმაკიაჟის გარეშე პოზირებს.
ჟურნალ OK-ში გამოქვეყნდა ინტერვიუ, სადაც ალბინა პირად ცხოვრებაზე საუბრობს. ჯანაბაევა, ქორწინების თემას შეეხო და განაცხადა, რომ პირადი ურთიერთობები ძირითადად მოგვარებულია და ერთმანეთთან მეგობრული დამოკიდებულება აქვთ, მაგრამ მუხედავად ამისა, ზოგჯერ ცხოვრებაში ეჭვიანობის თემა წამოიჭრება, რომელიც სიყვარულს ხშირად თან ახლავს.
„ჩვენ ერთმანეთის ნდობა გვაქვს. ცხოვრებაში მნიშვნელოვანია, რომ გადაწყვიტო რას ეძებ და რა გსურს - პატიოსნად უპასუხე ამ კითხვას და ცხოვრება ბევრად უფრო იოლი გახდება. მე ვფიქრობ, რომ ეჭვიანობა თანდაყოლილი თემაა ყველა ჩვენგანისთვის. თუ სიყვარულია, მაშინ არსებობს სხვადასხვა გარემოებებთან დაკავშირებული ეჭვიანობაც. მაგრამ ვალერი - კარგი ადამიანია, მაგრამ მინდა გითხრათ, მეც ასევე კარგი მეგობარი ვარ“ - აღიარა ალბინამ.
შეგახსენებთ, რომ მელაძე და ჯანაბევა 10 წელზე მეტია ერთად არიან. მათი რომანის შესახებ 2009 წელს გახდა ცნობილი. 2014 წელს კი, მომღერალი ოფიციალურად გაეყარა პირველ ცოლს - ირინას, რომელთანაც სამი ქალიშვილი - ინგა(28), სოფია(19) და არინა(16) ჰყავს. მალე ვალერიმ აღიარა, რომ ალბინასგან ვაჟი, კონსტანტინე შეეძინა.
იმავე წელს წყვილმა იქორწინა და ამ ეტაპზე მათ ორი ვაჟი - 15 წლის კონსტანტინე და 4 წლის ლუკა ჰყავთ.
