ბრიტნი სპირსი, სასამართლო პროცესიდან ფეხშიშველი გამოვიდა.
37 წლის მომღერლის ჯანმრთელობის მდგომარეობასთან დაკავშირებით ინფორმაციები, ბოლო ხანებია თაყვანისმცემლების ყურადღების ცენტრშია.
მომღერალი ირწმუნება, რომ ფსიქიკურ აშლილობასთან დაკავშირებით არანაირი პრობლემა არ არქვს. თუმცა მომღერლის დედა აცხადებს, რომ ბრიტი „მძიმე მდგომარეობაშია“.
რამდენიმე დღის წინ, ლოს-ანჯელესში გაიმართა სასამართლო პროცესი ვარსკვლავის ფსიქიკურ ჯანმრთელობის მგომარეობასთან და მისი მეურვეობის საკითხთან დაკავშირებით.
შეხვედრა დახურულ კარს მიღმა მიმდინარეობდა და სასამართლო პროცესის დეტალები უცნობია.
გავრცელდა ფოტოები, სადაც ბრიტნი სასამართლო პროცესიდან ფეხშიშველი გამოდის და ავტომობილში ჩასაჯდომად მიემართება.
მომდევნო სასამართლო სხდომა 18 სექტემბერს გაიმართება. გავრცელებული ვერსიით სპირსმა, კვლავ უნდა ჩაიტაროს ფსიქიატრიული გამოკვლევები.
შეგახსენებთ, რომ რამდენიმე ხნის წინ ვარსკვლავის დედამ ლინ სპირსმა, სასამართლოში სარჩელი შეიტანა, რომელიც ქალიშვილზე მეურვეობასთან დაკავშირებით სადავო დეტალებში გარკვევას მოითხოვს.
მან საგანგებო სხდომის მოწვევა მოითხოვა, რათა მიეღო ინფორმაცია მისი შვილის მკურნალობის გეგმაზე. ყოველივე ეს მას შემდეგ მოხდა, რაც აპრილის დასაწყისში ბრიტნი კვლავ საავადმყოფოში მოხვდა.