83 წლის ფრანგი მსახიობი ალენ დელონი კანის კინოფესტივალი 2019 „ოქროს პალმის რტოს“ პრიზის მფლობელი გახდა.
ვარსკვლავმა, მსოფლიო კინემატოგრაფიაში უდიდესი წვლილი შეიტანა. მსახიობმა ცრემლებით აღნიშნა, რომ მის ცხოვრებაში, ეს ყველაზე ნათელი წერტილია.
1960-80-იანი წლების მთავარ სექს-სიმბოლოს, 2019 წლის კანის ფესტივალზე უამრავი ამაღელვებელი და საინტერესო მომენტები ჰქონდა.
კინოკარიერაში, წლების განმავლობაში ბრწყინვალე მოღვაწეობისთვის, ლეგენდარულ მსახიობს უძველესი და ყველაზე პრესტიჟული კინოფესტივალის ჯილდო - „ოქროს პალმის რტო“ გადაეცა.
ცერემონიაზე მსახიობი, ქალიშვილთან - ანუშკისთან ერთად იმყოფებოდა, რომელიც მოდელ როსალი ვან ბრემენისგან ჰყავს.
გოგონა, რომელიც მამის მგავსად სამსახიობო კარიერას მისდევს, წითელ ხალიჩაზე მამასთან, ლეგენდარულ ვარსკვლავთან ერთად პირველად პოზირებდა.
დელონი, ცერემონიაზე სიტყვით გამოვიდა - კანის ფესტივალის ორგანიზატორებს და თაყვანისმცემლებს გაწეული წვლილისთვის დიდი მადლობა გადაუხადა:
ვფიქრობ, რომ ეს არის ჩემი კარიერის დასასრული, ჩემი ცხოვრების დასასრული, - განაცხადა დელონმა.
თუმცა, აქტიურმა და აღელვებულმა მაყურებლებმა ერთხმად შესძაძახეს - არა.