ქალაქის შესასვლელში პატრიარქსა და მის თანმხლებ პირებს რუსული არმიის ტანკი დახვდა.
პატრიარქი რუს გენერალს ვიაჩესლავ ბორისოვს შეხვდა. ილია II და მისი თანხმლები პირები ბორისოვთან ერთად პირველად გორის საკათედრო ტაძარს ესტუმრნენ.
იქ გადაწყდა, რომ პატრიარქი სოფელ ნიქოზში ყველა თანმხლებთან და ბორისოვთან ერთად გაემგზავრებოდა. 15 აგვისტოს ქალაქის გასასვლელიდან ნიქოზამდე რუსეთის სატანკო ბატალიონი ხვდებოდა.
ნიქოზში პატრიარქსა, მის თანმხლებ პირებსა და ბორისოვს მეუფე ისაია დახვდა, რომელზეც არაერთი გმირული თავდადების შესახებ ლეგენდა მაშინ დაიბადა. ბორისოვი ნიქოზის იმ ეკლესიაში ანთებს სანთელს, რომელსაც რუსული ჭურვი მოხვდა.
პატრიარქმა რუსი ოფიცრისგან გაიგო, რომ შინდისში ქართველ მებრძოლთა გვამები ჭირისუფალს ელოდნენ და სწორედ შინდისის გმირების ბროლის ველზე გაემგზავრა, მაშინ არავინ იცოდა, რომ ისინი ჩვენი დროის გმირების ცხედრებს გადმოასვენებდნენ.
პატრიარქს გზად მშვიდობიანი მოქალაქე საკუთარ ავტომანქანაში ჩაცხრილული დახვდა, რომელიც შინდისის გმირებთან ერთად გადმოასვენეს.
ავტორი: თამარ ბუჩუკური