ატენის ქუჩაზე მომხდარი ტრაგედიის დროს დაღუპულმა ლევან აბაშიძემ, გარდაცვალებამდე ცოტა ხნით ადრე ვიდეომიმართვა ჩაწერა, რომელსაც „პალიტრავიდეო“ ექსკლუზიურად ავრცელებს.

„გამარჯობა, მე ვარ ლევან აბაშიძე. მინდა მოგიყვეთ საქართველოს მოქალაქის ისტორია. არჩევნებამდე რამდენიმე დღით ადრე ჩემთან სახლში პოლიციის თანამშრომლები მოვიდნენ და ქვეყნის დატოვება მომთხოვეს სასწრაფოდ. რადგან ისინი იყვნენ მაღალჩინოსნები, მათ მოთხოვნას დავემორჩილე და ქვეყანა დავტოვე სასწრაფოდ.

ქვეყნის დატოვების შემდეგ, ყველანაირად ვეცადე, რისი საშუალებაც მქონდა, გარკვევა, რა ხდებოდა ჩემს თავს, მაგრამ არავინ მელაპარაკება, თითქოს არც ვარსებობ. აგერ, უკვე სამი თვეა ვიმყოფები სახლიდან და ქვეყნიდან გამოძევებული. თუმცა, ვაპირებ ჩემს სამშობლოში და სახლში დაბრუნებას. სხვაგან წასასვლელი არ მაქვს. ჩრდილო კორეის მოქალაქე რომ ვიყო, დახვრეტილი ვიქნებოდი საერთოდ. მაგრამ, რადგანაც საქართველოს მოქალაქე ვარ, ვფიქრობ, ნარკოტიკს, ან იარაღს ჩამიდებენ ან რაიმე სახის პროვოკაციას მომიწყობენ. 

ამ ვიდეოს იმიტომ ვწერ, რომ სახლში დაბრუნების შემთხვევაში, დიდი ალბათობით, მომიწევს ჩემი უდანაშაულობის დამტკიცება. მინდა, ადამიანებმა იცოდნენ, რომ წარმოდგენა არ მაქვს რა ხდება ჩემს თავს. არასდროს ვყოფილვარ ნასამართლევი, არასდროს ვმჯდარვარ ციხეში. ფიქრობ, არავის ვაწუხებ ჩემი არსებობით, ვცხოვრობ პატიოსნად“, - ამბობს აბაშიძე მიმართვაში.

2016 წლის 9 სექტემბრით დათარიღებულ წერილში გარდაცვლილი „ადამიანის უფლებათა ცენტრს“ მიმართავს და წერს, რომ ის ძალოვანი უწყებების წარმომადგენლებისგან იდევნება. 

რო­გორც ცენ­ტრის ად­ვო­კატ­მა ეკა ქო­ბე­საშ­ვილ­მა პალიტრავიდეოს უამ­ბო, ლე­ვან აბა­ში­ძემ, რო­მელ­მაც სა­ვა­რა­უ­დოდ, დედა და და დახოცა, შემ­დეგ კი თავი მო­იკ­ლა, სა­მარ­თალ­დამ­ცვე­ლე­ბის მხრი­დან შე­ვიწ­რო­ვ­ბის გამო, დახ­მა­რე­ბის­თვის ცენ­ტრს რამ­დენ­ჯერ­მე მი­მარ­თა.

„არ­ჩევ­ნე­ბამ­დე რამ­დე­ნი­მე დღით ადრე ჩემ­თან სახ­ლში მო­ვიდ­ნენ ძა­ლო­ვა­ნი უწყე­ბის წარ­მო­მად­გენ­ლე­ბი. დე­და­ჩემს სთხო­ვეს, რომ ჩემ­თვის და­ე­რე­კა და ეთ­ქვა ეს ამ­ბა­ვი. დე­დას ვთხო­ვე, და­ე­ლა­პა­რა­კე­ბი­ნა რო­მე­ლი­მე მათ­გა­ნი. ვე­სა­უბ­რე მათ­გან ერთ-ერთს და ვთხო­ვე, არ ენერ­ვი­უ­ლე­ბი­ნათ ადა­მი­ა­ნი, ხუთ წუთ­ში სახ­ლში ვიქ­ნე­ბო­დი.

ამ დროს მე ვიმ­ყო­ფე­ბო­დი აბა­ში­ძის ქუ­ჩა­ზე, მე­გო­ბარ­თან. წა­ვე­დი სახ­ლში. სა­დარ­ბა­ზოს­თან დამ­ხვდა ორი შავი „ტო­ი­ო­ტა ქამ­რის“ ტი­პის ავ­ტო­მან­ქა­ნა, რო­მელ­შიც არა­ვინ იჯდა. სახ­ლში დამ­ხვდა ხუთი ან მეტი ადა­მი­ა­ნი, აქე­დან ერთ-ერთი გა­მეც­ნო, რო­გორც ვა­კის პო­ლი­ცი­ის უფ­რო­სი.

არა­სო­დეს ვყო­ფილ­ვარ ცი­ხე­ში, არა­სო­დეს ვყო­ფილ­ვარ ნა­სა­მარ­თლე­ვი. ვერ ვხვდე­ბო­დი რა ხდე­ბო­და. მომ­თხო­ვეს ქვეყ­ნის და­ტო­ვე­ბა რამ­დე­ნი­მე სა­ათ­ში, თუ არა შენს თავს და­აბ­რა­ლე რაც მო­გი­ვაო და წა­ვიდ­ნენ.

და­ვე­მორ­ჩი­ლე მათ მო­თხოვ­ნას იმ იმე­დით, რომ არ­ჩევ­ნე­ბი ჩა­ივ­ლი­და და შევ­ძლებ­დი გა­ურ­კვევ­ლო­ბის გარ­კვე­ვას და სახ­ლში დაბ­რუ­ნე­ბას. მაგ­რამ არა­ვინ არა­ფერს მე­უბ­ნე­ბა, თით­ქოს არც ვარ­სე­ბობ. გთხოვთ, და­მიც­ვათ და და­მეხ­მა­როთ გა­გე­ბა­ში, რა ხდე­ბა ჩემს თავს“ - წერ­და გარ­დაც­ვლი­ლი.

შეგახსენებთ, 17 ნოემბერს ატენის ქუჩაზე საზარელი მკვლელობა მოხდა. პირველადი ვერსიით, ლევან აბაშიძემ დედა, ირინა გედევანიშვილი და და, თაკო აბაშიძე მოკლა და შემდეგ თავი მოიკლა.