„ცხოვრება ისაა, რაც გახსოვს, დანარჩენი არსებობაა“ - ბერი დავითი(ჭაბუა) ამირეჯიბი 2013 წლის 12 დეკემბერს, 92 წლის ასაკში, საკუთარ სახლში, თამარაშვილის ქუჩაზე, ხანგრძლივი ავადმყოფობის შემდეგ გარდაიცვალა.

მწე­რა­ლი და უფ­ლე­ბა­დამ­ცვე­ლი ირაკ­ლი კა­კა­ბა­ძე, რომელიც სიცოცხლის ბოლო წუთებში მასთან ერთად იმყოფებოდა, მის გარდაცვალებას სოციალური ქსელის საშუალებით გამოეხმაურა: 

ჭა­ბუა, წა­ვი­და სა­ო­ცა­რი და მშვი­დი გარ­დაც­ვა­ლე­ბით. სიკ­ვდი­ლის წინ, არც კი ამო­უგ­მი­ნავს. მან იცო­და, სა­დაც მი­დი­ო­და და დიდ­ხანს ემ­ზა­დე­ბო­და ამ მო­მენ­ტის­თვის. ის ნამ­დვი­ლად უკე­თეს ად­გი­ლას წა­ვი­და - და იქი­დან დაგ­ვყუ­რებს ახლა ყვე­ლას. 92 წელი ტან­ჯვა, ბრძო­ლა, და მა­ინც სა­ოც­რად სა­ინ­ტე­რე­სო ცხოვ­რე­ბა, 12 დე­კემ­ბერს ღა­მის 12 სა­ა­თამ­დე რამ­დე­ნი­მე წუ­თით ადრე დას­რულ­და. ამ ცხოვ­რე­ბამ, ბევრ ადა­მი­ანს მო­უ­ტა­ნა ბედ­ნი­ე­რე­ბა. ჩემს ძმებ­თან, მის შვი­ლებ­თან და მე­უღ­ლეს­თან ერ­თად მეც შე­ვეს­წა­რი ამ მო­მენტს - და მა­შინ და­ვი­ნა­ხე რას ნიშ­ნავს ნამ­დვი­ლი გარ­და-ცვა­ლე­ბა - მა­რა­დი­სო­ბის სამ­ყა­როს­თან გა­ერ­თი­ა­ნე­ბა. ჭა­ბუა წა­ვი­და - გა­უ­მარ­ჯოს ჭა­ბუ­ას!, - წერს კა­კა­ბა­ძე.

მზეჭაბუკი(ჭაბუა) ირაკლის ძე ამირეჯიბი, 1921 წლის 18 ნოემბერს დაიბადა ქ. თბილისში. ქართველი მწერალი, XX საუკუნის ქართული ლიტერატურის კლასიკოსი, რომან „დათა თუთაშხიასა“ და რიგი ნაწარმოებების ავტორია.

დათა თუთაშხია - ჭაბუა ამირეჯიბის ყველაზე განთქმული რომანია, რომელიც 1973-1975 წლებში შეიქმნა. მოქმედება, XIX საუკუნის დასასრულსა და XX საუკუნის დამდეგს, საქართველოში ხდება. სიუჟეტი აგებულია მწვავე სიტუაციებზე და მრავალ ეთიკურ პრობლემას ეხება. ზოგადად, ჭაბუა ამირეჯიბის პერსონაჟები ქართველი მკითხველის წარმოსახვაში დიდი ხანია ცოცხალ, რეალურ ადამიანებს ედარება. განსაკუთრებით, მისი დათა თუთაშხია, რომელიც თავისი წინააღმდეგობრივი ხასიათითა და ვაჟკაცური ბუნებით, ერთგვარად ეპოქის სიმბოლოდ იქცა.

2010 წლის 15 ოქტომბერს, ბერად აღიკვეცა და სახელად დავითი ეწოდა. მწერლის ფიზიკური მდგომარეობის გამო, ბერად აღკვეცის წესი, ბორჯომისა და ბაკურიანის მიტროპოლიტმა, მეუფე სერაფიმემ მისსავე სახლში შეასრულა. როგორც მეუფე სერაფიმემ მაშინ ჟურნალისტებს განუცხადა, სრულიად საქართველოს კათოლიკოს-პატრიარქის, ილია II-ის კურთხევით, ჭაბუა ამირეჯიბს ბერი დავითი ეწოდა, წმინდა მეფის დავით აღმაშენებლის სახელი. ბერ დავითს, კათოლიკოს-პატრიარქის კურთხევით, წერის გაგრძელება შეეძლო. წესის შესრულების შემდეგ, ბერ დავითს ბერული სამოსელი, სკვნილი გადასცეს და ერზე, სამშობლოზე ლოცვის კურთხევა მისცეს.

ბერი დავითი(ჭაბუა) ამირეჯიბი, დაკრძალულია ქართველ მწერალთა და საზოგადო მოღვაწეთა მთაწმინდის პანთეონში.