20 თებერვლიდან ჩინეთის მოქალაქეებს რუსეთში შესვლა შეეზღუდებათ. აღნიშნულ გადაწყვეტილებას ხელი მოაწერა რუსეთის პრემიერ-მინისტრმა მიხეილ მიშუსტინმა. ინფორმაციას რუსული მედი ავრცელებს.
კორონავირუსის გავრცელების თავიდან აცილების მიზნით, დროებითი შეზღუდვები შეეხება ტურისტული, სამუშაო, სასწავლო ან დასაქმების მსურველ ჩინეთის მოქალაქეებს.
კორონავირუსით ამ დროისთვის დადასტურებულად 72 400 ადამიანია ინფიცირებული. ბოლო 24 საათში ვირუსს 98 ადამიანი ემსხვერპლა, 1 701 ადამიანი საავადმყოფოებიდან გაწერეს, ხოლო 1 886 ადამიანი დაინფიცირდა.
ბოლო მონაცემებით, კორონავირუსით გარდაცვლილთა რიცხვმა 1868-ს მიაღწია.
ცნობისთვის, 30 იანვარს ჯანდაცვის მსოფლიო ორგანიზაციამ კორონავირუსი გლობალურ საფრთხედ გამოაცხადა.