ზუგდიდი-ჯვარი-მესტიას დამაკავშირებელ ცენტრალურ გზაზე მოძრაობა გუშინ გაჩენილი ხანძრის გამო დროებით შეზღუდულია. ინფორმაციას ზუგდიდის მერია ავრცელებს. ამავე ცნობით, ადგილზე ხანძრის შედეგად დაზიანებული ხეების გადაბელვის სამუშაოები მიმდინარეობს.
მოქალაქეებს კი ალტერნატიული გზით შეეძლებათ სარგებლობა.
ძლიერი ხანძარი იყო ზუგდიდის მუნიციპალიტეტის სოფელ ზედაეწერში. ხანძრის შედეგად დამწვარია რამდენიმე ჰექტარზე თხილის პლანტაცია და მრავალწლოვანი წიწვოვანი ხეები, რომლებიც ცენტრალურ ხეივანს ამშვენებდა.
ავტორი:თეა შონია